بنوته صغيره ......
كانت بتصلى قبل ماتنام ذى كل يوم زى ما اتعلمت فى مدارس الأحد....
وقدام صوره حبيبها يسوع قالت بصوتها الرقيق:
يسوع انا بشكرك على الحاجات الحلوه الى انت بتدهانى....
ماتخلنيش انام وانا خايفه..وحافظ على بابا و ماما وخلى بالك منهم ..ومن اخويا الصغير ومن اختى الكبيره ...ومن الميس فى الكنيسه وابونا
ومن كل الناس....و.....
سكتت البنوته شويه وقالت فى خجل: لو سمحت يارب خلى بالك من نفسك..
ياترى يارب انت عامل ايه....؟
فى حاجه مضيايقاك.....؟
اخبارك ايه....؟
عملت ايه لما جرحتك وسبتك ومشيت ورا خطيتى ؟
طيب بالليل بتضايق لما بنام واسيبك لوحدك تحرسنى؟
اكيد بتضايق وانا سهرانه قدام التلفزيون او بكلم حد وسيباك طيب انت بتاخد
بالك من نفسك ولا ناسى نفسك فى اشغالك بينا؟
....انا ديما بقولك خلى بالك من فلان وفلان وفلان ....و...
حافظ على حياتى ....اسمحلى اقولك من قلبى :
ارجوك يارب خد بالك من نفسك